«Мен англис тилинде жана кыргыз тилинде Манас айтам» сынагынын жеңүүчүсү, 2ак-классынын окуучусу Даутов Азамат

Кытай тилин окутуучу №95 мектеп-гимназиясынын 2-ак классынын окуучусу Даутов Азамат 25-апрельде  «Мен англис тилинде жана кыргыз тилинде Манас айтам» сынагынын райондук туруна катышып, ал жактан шаардык туруна өттү. Бул сынакка окуучубуз абдан көңүл буруп даярданып, эң мыкты жыйынтык көргөзө алды. Бул сынакта Азамат өзүнүн талантын көргөзүп, калыстар тобунун купулуна толду деп айта алабыз. Андан соң 28-апрельде боло турчу шаардык турга жакшылап даярданып, ал жактан биздин окуучубуз баш байгеге ээ болуп келди. Даутов Азамат мектепте жакшы окуган  алдыңкы окуучулардын катарын толуктап келет. Окуучубузда дагы дагы ийгиликтерди каалап, мындан кийинки дагы алдыда катыша турчу сынактарына ийгиликтерди каалайбыз.